Litt om meg: Født i Bergen og oppvaksen på Radøy i Nordhordland. Har vore aktiv i Røde Kors Hjelpekorps og har utdanning innan vidaregåande førstehjelp og ettersøkning. Tok befalsutdanning i Forsvaret og har tjenestegjort som fallskjermjeger i den franske Fremmedlegionen. Er i dag student ved Politihøgskulen i Bodø. 

Turen startar siste veka i mai når eg har unnagjort siste eksamen. Då ber det til Nordkapp før eg i midten av august vil vera framme på Lindesnes. 

Med på laget har eg Gamme.no i tillegg til Helsport (www.helsport.no), Montane Norge AS (www.montane.no), Toro (www.toro.no), XC Sports Equipment AS (www.xcsports.com), Tech Nutrition (www.tn.no), Axellus (www.axellus.no) og Alfa Skofabrikk (www.alfasko.no). 

Draumen om Norge på langs. 

Sommaren 2009 blir draumen min om å gå Norge på langs aleine realisert. I mai startar eg på Nordkapp og vil vera framme på Lindesnes i august. Det er ein draum som har vakse seg stor over fleire år. Ein dag på ei forelesning tidlig hausten 2008 tenkte eg meg bort til fjell og skog, med tung sekk på ryggen og svette silande nedover panna. Då forelesninga var over stod det skrevet i notatboka mi at eg skal gå Noreg på langs neste sommar. 

Eg har alltid vore glad i fjell og skog og trives best ute i naturen. Jo lenger vekk frå asfalt og bustadområder jo bedre. Då eg var liten var det fiske og teltliv som gjaldt, etterkvart som eg vaks til vart eg fascinert av soldatlivet. Da å kunna overleva under primitive kår, takle fysiske og psykiske påkjenningar med lite mat og enda mindre søvn, mestre uforutsette utfordringar både på eiga hand og saman med kamerater vart måla mine både når det gjaldt fritidsaktivitetar og yrkesvalg. 

På fritida har eg dreve både med klatring, dykking, fallskjermhopping og gåing i fjella. Min fascinasjon for soldatlivet brakte meg frå befalsutdanning i Forsvaret til rekruttskulen for den franske Fremmedlegionen. Her tjenestegjorde eg som fallskjermjeger og har blant anna budd 6 månader i den Gabonesiske regnskogen i Afrika kor me lærte å overleva på jungelen sine vilkår. Eg har også gått GR20 3 gonger, ein distanse på nesten 200 km over fjella på Korsika via Monte Cinto (2706 moh.) med sekk på rundt 30 kg på 5 dagar, denne turen blir normalt gjennomført på 15 dagar. 

I dag er eg student ved Politihøgskulen avd. Bodø. Valget mellom Oslo eller Bodø som studiestad var ikkje vanskeleg og det har blitt mange turar i Nordland sin flotte natur. Ellers så har nasjonalparkar som Hardangervidda og Jotunheimen blitt stader som eg etterkvart har blitt godt kjent med. 

Når eg no har bestemt meg for å gå Norge på langs så er det først og framst for å sjå Norge frå naturen si side og ein ferie frå kvardagen som er hovedmotivasjonen. Vidare får ein med på kjøpet sjølvrealisering i form av både fysiske og psykiske utfordringar i tillegg til logistikkoppgaver og planlegging. Dette er gode erfaringar å ha med seg til framtidige natureventyr... Alt i tråd med det eg savnar som mest når dagane på lesesalen blir lange.