Etter å ha lagt Finnmarksvidda bak oss, gjekk me inn i Troms og den storslåtte naturen i Reisa Nasjonalpark. Her er det både bjørn og ulv og me hadde sol heil døgnet og overnatta under åpen himmel. Naturen her gjorde eit djupt inntrykk, i motsetning til forblåst myr og kratt på Finnmarksvidda. Vegard meinte dette om Finnmark: "Og dette var dei redd russarane skulle ta i frå oss? Dei kunne jo berre fått det! Er jo ikkje anna enn myr og kratt likevel." I frå Reisa, som me kryssa på eit døgn, gjekk me inn i Finland. Der kom me til eit stort vatn med ein stri utos som me vurderte til å vera uforsvarleg å vade over. Me la oss derfor til å sova nokre timar for deretter å kryssa vatnet på ordentleg fallskjermjegervis; i ly av natta... Deretter bar det over eit stort fjellpass med mektige vegger og mykje steinur. På den andre sida koom me ned til Kilpis kor Vegard reiste vidare til Tromsø medan eg skal fortsetje inni Dividalen og vidare sørover langs kungsleden. Når eg kjem til Sulitjelma skal eg senda heim minnekort frå kameraet slik at bilete frå turen så langt kan leggjast ut på bloggen.