Avgjørelsen om å bryta baserte eg på at eg blant anna skal på leiropphald med Politihøgskulen i midten av august før praksisåret startar, samt at eg har førebuingar til ein annan ekspedisjon i tankene. Hadde eg hatt hausten til rådighet hadde eg tatt den kvile og tid eg måtte trenga her før eg hadde fortsatt. No må eg fortsetta der eg slapp eit anna år, turen vil bli fullført. Eg må berre innsjå at det ikkje blir denne sommaren. Eg vil retta ein stor takk til alle som har følgt med på blogen og til alle som har sendt meg sms og epost. Eg har fått enormt mange helsingar frå kjente og ukjente, sponsorar, venner og familie. Eg set utruleg stor pris på responsen som gjer meg masse motivasjon til nye ekspedisjonar. Planlegginga er allerede i gang og planane vil bli offentleggjort når alt er klart med tid og stunder. Takk til alle sponsorar som har støtta meg, både økonomisk, med utstyr og ikkje minst med motivasjon! Aleksander Gamme og Gamme.no, Bjørn-Terje i Montane Norge AS, Nils Erik og Mette ved Alfa Skofabrikk, Stig i Helsport, Kristoffer i XC Sports, samt folket i Axellus og Toro. I tillegg til støtte frå privatpersonar og familie. No startar etterarbeidet med utgreiing om korleis produkta virka, turrapport og gå i gjennom alle bilete.